El mar Coloráu (griegu antíguu Ἐρυθραίη θάλασσα, Eruthraíē thálassa, latinu Mare Rubrum, árabi البحر الأحمر, Al-Baḥr Al-Aḥmar, he ים סוף, Yam Suf i tigrinya ቀይሕ ባሕሪ, Qeyyiḥ bāḥrī) es un golfu o cuenca ’el Océanu Índicu entri África i Ásia. La conexión conel océanu es hacia el Sul, a través ’el estrechu de Bab-el-Mandeb i el Golfo de Adén. Acia el Norti s’encuentra la península ’el Sinaí, el Golfu e Aqaba i el Golfo e Suez (que pla su vedi chega al Canal e Suez). El mar tieni unus 2,200 km de largol i el su anchu máximu es e 335 km. La profundidá máxima es e 2,130 metrus, siendu la media e unus 500 metrus. Tamién tieni estensas plataformas e escasa profundidá, enas que se encuentra abundanti vida marina i coralis. La superficie total es alreol e 450,000 km². Esti mar horma parti ’el Valle ’el Gran Rift i es una importanciosa via de comunicación entri Europa i el Extremu Orienti.